ACARA KEBAKTIAN PARPUNGUAN RESORT
DI MINGGU KE-II HASASAOR NI TONDI
PARBADIA
RESORT PANIARAN - SIMAMORA
SENIN, 28 MEI 2012 DI
HKI DOLOK SARIBU
I. KEBAKTIAN
1. Votum : P = Pemimpin J = Jemaat
P :
Marhitehite Goar ni Debata Ama, dohot Goar ni AnakNa Tuhan Jesus Kristus, dohot
Goar ni Tondi Parbadia namanompa langit dohot tano on, dipasaor ma dameNa tu
tondimuna. Amen. Rap ma hita mandok
tangiangta i
P + J : Ale
Jesus Tuhan nami bereng hami na dison: PinarmahanMi do hami saluhutna na dison;
sai asi rohaM di hami, sai pangolu hami on. Amen
2. Marende : BE. No:
102: 1 - 2…
1.
O Tondi Parbadia i, bongoti
rohanami be, ro sipatiur roha.
O sondang sian surgo i, sondangi rohanami be, tu halalas ni roha.
Asa masa patupahon pinodahon ni hatamu, sai tu hami ma rohamu
2. Ho do silehon roha i, dinasa na porsea i, tumpahi rohanami.
Patogu rohanami be, pasar hatam tu sasude, sai tong dongani hami.
On pe sude
parrohaon, hatuaon lehononmu, sipujion do goarmu.
3. Koor : Huria Sibaragas
4. Ayat
+ Tangiang
P : Songonon do Hata ni Jahowa na tumompa jala na jumadihon ho, na mangurupi ho sian
hatutubum: Ai UsehonongKu ma aek tu jolma na mauas dohot angka sunge na
mahiang. UsehonongKu ma tutu TondingKu tu pinomparmu nuaeng, jala pasupasuongKu
tu pinomparmu sogot.
Martangiang ma hita: Ale Tuhan
Jesus Kristus, hudok hami mauliate tu Ho sian nasa rohanami, ala dipaojak Ho do
huriaM di tano on, jala dohot hami tarjou tusi. Sai suru ma Tondi Parbadia tu
rohanami be, asa tung huparhatopot hami Ho do hangoluannami, asa lam solhot
hami tu Ho marhitehite haporseaon na sintong i, jala asa tongtong hupasangap
hami goarMu na tarpuji rodi salelenglelengna. Amen, didongani Tuhan Debata ma
hita on saluhutna. Amen, Haleluya, Haleluya, Haleluya
P + J : Haleluya, Haleluya,
Haleluya (Diendehon)
5. Singkat
Ni Patik
P :
Tatangihon ma jolo hata ni Debata songon singkat ni patik di hita na tarsurat
di
Mateus 16: 19: “Hulehon pe tu ho anak hinsu ni
harajaon banua ginjang: nasa na niihotanmi di tano on natarihot ma i nang
dibanua ginjang; jala nasa napinaluami di tano on, namalua ma i nang di banua
ginjang” Rap ma hita mangido:
P + J : Ale
Tuhan Debata sai pargogoi ma hami mangulahon na hombar tu hataMi. Amen
6. Koor : Huria Parsaoran Sosor Butar
7. Marende : BE. No:
92 HG/465: 3
Bereng
au, ramun rohangku, ndang tarbaen malua au.
Holan Ho na boi mamburi, ro palua dohot au.
Dohot au, dohot au, ro palua dohot au.
8. Tangiang Manopoti Dosa dohot Baga-baga
ni Debata dihasesaan ni dosanta
P : Rap jongjong ma
hita martangiang manopoti dosanta tu adopan ni Debata
P : Ale
Tuhan Jahowa Debata, parasiroha jala pardengganbasa na sumurung; Na ro do hami
tu joloM mangundukhon jala marhatopothon saluhut dosa dohot angka
pangalaosionnami,
J :
Jotjot do hu ula hami angka ulaon namaralo tu hataM
dohot lomo ni rohaM. Asima rohaM, ale Tuhan Jahowa sai unang paingotingot angka
dosa dohot pangalaosionnami i. Sai ingot ma hami hombar tu asi ni rohaM na
balga i.
P : Sai
togutogu ma hami tu bagasan hasintonganMu. Sai ajari ma hami marhitehite
hatigoranMu, asa hot haporseaon naung nilehonMi tu hami, jala tongtong huingot
hami holong ni rohaM, ai Ho do Debata ni hatuaonnami. Ala ni AnakMu Tuhan Jesus
Kristus Tuhannami. Amen
J : (Mangendehon BE.
No: 182: 6)
Mangihuthon Ho Tuhanku, ima las ni rohangki. Ima naeng
padanhononku,dok ma amen mi disi
P : Tabegeima bagabaga
ni Debata taringot tu hasesaan ni dosanta
Unang
ho mabiar, ai Ahu do nampuna ho. Ahu tutu, Ahu sandiri manelesei angka
pangalaosim, ala ni Ahu jala ndang be hupaingot-ingot angka dosam. Hasangapon
ma di Debata na di ginjang. Amen
9. Koor : Huria Simamora
10. Marende : BE. No: 105: 3
Patuduhon ma di hami, dalan hangoluan i. Paimbaru rohanami, sai
padao ma dosa i. Pargogoi ma hami be, tu na denggan sasude.
11. Koor : Huria Paniaran
12. Epistel
P : Tabege ma jolo Hata ni Debata
turpuk ni Epistelta na tarsurat di 1 Korintus 2: 10 - 13
13. Marende : BE. No:
108: 2
Jangkon ma Ibana, Ai asi rohana ro tu hita on. Asa sondangonna tiur
bahenonna parrohaon tongtong. Jangkon ma Ibana da, asa lao sude arsakmu nang
pardangolanmu.
14. Manghatindanghon
Haporseaon
P : Rap jongjong ma hita
manghatindanghon haporseaonta i; Ahu porsea ……
15. Koor : Huria Dolok Saribu
16. Marende : BE. No:
109: 1 ------------ Papungu Pelean
1.
Sai songgopi hami on, Ale Tondi
Parbadia. Sai ajari ma tongtong hami on huhut paria. Martangiang tu Tuhanta asa
tongtong oloanna.
------------------------------ M U S I K
-----------------------------
2.
Tondi hasangapon i, sai ingani
rohanami. Pargogoi ma hami be maralohon dosanami. Asa tung malua hami sian
hadosaonnami.
------------------------------ M U S I K
-----------------------------
3.
Jolma manisia pe, sai sondangi
ma luhutna. Asa olo sasude ro tu Jesus sipalua. Rarat baen harajaonna tu
saluhut manisia.
17. Renungan Hasasaor Ni Tondi Parbadia: Hesekiel 36: 26 - 27
18. Marende : BE. No: 89
HG/ 462: 1 + 3
1.
Ale Tondi Parbadia, sai
songgopi hami on. Rohanami ma paria, lao mamuji Ho tongtong. Ho tongtong, Ho
tongtong lao mamuji Ho tongtong
3.Apimi sai lam pagalak, sondang di naholom i. Asa las tiur ma
halak, lam pita huriami. Lam pita, lam pita, lam pita huriami.
19. Tangiang Pelean + Tangiang Ale Amanami + Tangiang Pasupasu.
II. MAKAN BERSAMA
III. LOMBA CCA
IV. Hata huhuasi sian :
1.
Majelis Resort: Gr. Huria Sibaragas
2.
Majelis Jemaat Bolahan Amak
Tidak ada komentar:
Posting Komentar