Jumat, 11 Januari 2013

Acara Natal Umum Resort


ACARA KEBAKTIAN NATAL UMUM
RESORT PANIARAN – SIMAMORA, DI HKI SIMAMORA
MINGGU NATAL II, 26 DESEMBER 2012
Thema             :  Holong Ni Debata Di Portibion, Dilehon Anakna Baen Sipalua (Joh. 3: 16)
Sub Thema      : Tahaholongi ma Debata ai nungga dilehon dihita haluaon dohot hangoluan
I.         KATA-KATA SAMBUTAN
1.      Mewakili Majelis Jemaat Bolahan Amak (HKI Simamora)
2.      Mewakili Ruas Se-Resort (Huria Paniaran)
3.    Mewakili Guru Jemaat/Pengurus Resort (Gr. Huria HKI Parsaoran Sosor Butar)

II.      ACARA IBADAH
1.      VOTUM (Gr. HURIA SIBARAGAS)
P          : Marhite-hite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Parbadia, natumompa langit dohot tano on di pasaor ma dameNa tu tondinta.
J          : Ale Jesus Tuhan nami bereng hami nadison pinarmahanMi do hami saluhutna nadison. Sai asi roham di hami sai pangolu hami on.
P + J    : Amen
2.      MARENDE HURIA NO: 57: 1 + 3
(Pagalak Lilin: Ruas Ina: Huria Sosor Butar; Ruas Ama: Huria Dolok Saribu; Ruas PNB: Huria Paniaran; Parhalado: Huria Sibaragas; Ruas Bolahan Amak: Huria Simamora;  Guru Huria/ Majelis Resort: Gr.Huria Paniaran; Pendeta Resort )
1.      Nungga jumpang muse ari pesta i, hatutubu ni Tuhanta Jesus i. Tuat do Ibana sian Surgo i mebat tu hita on. Hasangapon ni Debata, dame, dame ma di jolma Las ni roha ni Debata hajolmaon muse.
3.  Somba nami  ma di Ho natubu on, Ho siboan dame tu portibion. Sai pasaorhonma tu rohanami on dame mi O Jesus.  . Hasangapon ni Debata, dame, dame ma di jolma Las ni roha ni Debata hajolmaon muse.

3.      AYAT DOHOT TANGIANG
P             : Ai nungga tarida asi ni roha ni Debata, sibahen haluaon ni saluhut jolma. Ai dilehon do diriNa humongkop hita, asa ditobus hita sian nasa hajahaton, asa urasonNa di diriNa bangso, naung Ibana nampunasa, na olo manghapadothon angka ulaon na denggan.
             Martangiang ma hita
P           : Ale Tuhan Debata parholong ni roha mida hami jolma pardosa jala na sorat di hasiangan on. Pujipujian dohot hamauliateon ma husombahon hami tu Ho, ala disuru Ho Anakmu Jesus Kristus ro tu tano on. Ditinggalhon do sangapNa, jala gabe jolma tumaon naporsuk  asa saor hami tu Ibana. Namangido ma hami tu Ho lehon ma TondiM maringanan di bagasan rohanami, asa dipatongon haporseaon dohot panghirimon na mangolu di hami, jala boi huida hami balga ni panghophopMu, gabe taruli hami jala martua di hatutubu ni AnakMu Jesus Kristus Tuhannami tu tano on, Amen
4.      KOOR SIAN HURIA DOLOK SARIBU
5.      MARENDE HURIA NO: 48: 6
Antong hamuna sasude, pardosa natungki. Sai ungkap rohamuna be, manjangkon Jesus i. Manjangkon Jesus i.
6.      TANGIANG MANOPOTI DOSA (RAP JONGJONG SUDENA)
P          : Dinajongjong hita saonari di adopan ni Debata, tatopoti ma angka dosa, hahurangan dohot pangalaosionta tu Debata. Alani hohom mjolo hita satongkin sogon namanulingkiti rohanta  (seluruh warga saat teduh sejenak)
P          : Ale Debata nami na di Banua ginjang diparhatopot rohanami do balga ni holong dohot asi ni rohaM di hami. Dilehon Ho do anakMu Tuhan Jesus Kristus tu portibion  tubu dibagasan haleaon, manaon naporsuk pola ingkon mate tarsilang asa gabe haluaon di hami. Aha ma naung hubaen hami tu Ho balos ni i? Jotjot do mabalga hu uari manang janji nami tu Ho, hape ndang tulus i huulahon hami. Molo jumpang ari Natal sisongonon sai maruari do hami marhite angka ende nami mandok: “Hulehon di Ibana sude na di au on. Olo, olo sude na di au on” . Hape diama naung hulehon hami huroha tu Ho ale Tuhan? So ndada gabe tardapot hami angka pargabus Tuhan di jolom? Molo tung i pe asi ma roham di hami.
J           : Mangendehon BE. No. 53: 2
            Tu holong ni rohana Hubonom rohangkon; Hulehon di Ibana sude na di au on. Olo, olo sude na di au on.
P          : Ganup jumpang ari Natal sisongonon sai huendehon hami do: “Sai naeng haholonganku, Ho ale Tuhanki, nang marsak las rohangku ingkon lam ganda i...” Hape sabalikna do huhula hami: ndang huhaholongi hami Ho sian nasa rohanami, ate-ate, pikkiran, dohot sian nasa gogo nami; suang songoni ndang huhaholongi hami dongannami doshon dirinami, lumobi dope tahe angka musunami. Holan masa pangunjungan, sitaonon, arsak parungkilon dohot angka na asing nungga pintor mandele hami laos manundalhon Ho, mandao sian tangiang dohot parsaoranMu. Jotjotna i tutut ale Tuhan tardapot hami dijoloM gabe angka jolma pargabus. Asi roham di hami ale Tuhan, pargogoi hami manghaholongi Ho dohot angka dongannami lumobi nang angka musunami.
J          : Mangendehon BE. No. 53: 3
            Sai naeng haholonganku Ho ale Tuhanki, nang marsak las rohangku ingkon lam ganda i. Olo, olo ingkon lam ganda i.
P          : Ale Tuhan Debata mansai burju do Ho mamasumasu ngolu nami, dipariankkonon, du ulaon siganup ari, jabatan karier, prestasi kerja, dilehon Ho do di hami arta, sinamot, pansarian natama, paruntungan, parlabaan, dohot lan na asing naso polo hugoari hami sadasada. Hape diama haburjuon nami naung hulehon hami tu Ho dohot tu Huriam balos ni i naung hujalo hami suksuk sian Ho? Hata ni ende nasai huendehon hami ganup jupang ari Natal mandok: Burju naeng lehononku di Ho rohangkinon”. Tung adong ma burju nami tu Ho Tuhan?Tung naung hulehon hami ma huroha rohanami tu Ho?. Molo tung adong hupelehon hami peleannami, pintor tuk ma i balos ni pasupasuM nasai godang i? Ale Tuhan ajari hami asa burju mangalehon rohanami dohot dirinami dohot sinandongannami tu Ho.
J          : Mangendehon BE. No. 53: 4
            Burju naeng lehononku di Ho rohangkinon. Asi roham Tuhanku urupi au tongtong
P          : Hamu angka dongan, nian asing ni angka naung taparhatopt nangkin godang dope dosa dohot pangalaosionta tu Debata, ndang tarpajojor hita i sadasada di ari on. Alai tung dia pe dosanta di adopan ni Debata, barita nauli di hita ari pesta Hatutubu ni Tuhanta Jesus Kristus mandok:
J          : Naung tubu do di hamu saborngin on, di huta ni si Daud, sipalua i, ima Kristus Tuhan i
P          : Posma rohamuna songon naposo ni Debata ahu, pbotohononku do tu hamu barita halalas ni roha godang ima bagabaga ni Debata tu hasesaan ni dosanta: Haholongan salelenglelengna hubahen manghaholongi ho, dibahen i hutogutogu ho marhtehite asi ni roha, ninna Tuhan Jahowa. Hasangapon ma di Debata na di ginjang, Amen 
7.      KOOR SIAN SIMAMORA
8.      MERENDE HURIA NO: 57: 3
Somba nami ma di Ho natubu on, Ho siboan dame tu portibion. Sai pasaorhon ma tu rohanami on dame Mi o Jesus. Hasangapon di Debata, dame, dame ma di jolma. Las ni roha ni Debata Hajolmaon muse
9.      LITURGI I (TARINGOT TU PANOMPAON) SIAN HURIA PANIARAN
10.  KOOR SIAN SIBARAGAS
11.  MARENDE HURIA NO: 61: 2
Tung godang do dosa pangunjunan pe. Mangarsahi hita paima mate be, mangarsahi hita paima mate be.
12.  LITURGI II (TARINGOT HADADABU TU DOSA) SIAN HURIA PARSAORAN SOSOR BUTAR
13.  KOOR SIAN HURIA PANIARAN
14.  LITURGI III (TARINGOT NGOLU NI JOLMA DUNG MADABU TU DOSA) SIAN HURIA DOLOK SARIBU)
15.  MARENDE HURIA NO: 49: 1
Sai ro ma tu bara ni Betlehem on, hamuna porsea hatop ma tuson. Marnida halasan ni rohanta i, tinongos ni Ama na di Surgo i.
16.  KOOR SIAN HURIA PARSAORAN SOSOR BUTAR
17.  LITURGI IV (TARINGOT HARORO NI SIPALUA) SIAN HURIA SIBARAGAS
18.  LITURGI V (JOU-JOU ASA MULAK TU DEBATA) SIAN HURIA SIMAMORA
19.  MARENDE HURIA NO: 54: 3
Godang ni tua disi, di naro Jesus i. Tung malua pardosa muse sian hamangoanna sude, ala ro sipangolu Jesus Tuhanta i.
20.  LITURGI VI/ TERAKHIR (JOU-JOU ASA MANANGIHON PANGGORA NI ROHA) SIAN ANGKA GURU HURIA
21.  MARENDE HURIA NO: 56: 1 – 2
1.      Sai ro ma hamuna angka naporsea, sai ro ma hamu na tu Betlehem. Ida dakdanak sipalu hita tasomba ma Ibana, tasomba ma Ibana, tasomba ma Ibana Rajanta.
2.      O Jesus Tuhanku sai naeng pujionku, pambaenmu di ahu pardosa on. Ai gabe jolma Ho humophop ahu, tasomba ma Ibana, tasomba ma Ibana, tasomba ma Ibana Rajanta.
22.  RENUNGAN NATAL: JOHANES 3: 16 (PDT.L.F.SIMANJUNTAK, S.TH)
23.  MARENDE HURIA NO: 52: 1 – 3 (Papungu Pelean)
1.      Hatuaon do, las ni roha do, hatutubu ni Jesus i. Mago do jolma ro ma Tuhanta las be, las be ma rohanta i.  Mago do jolma ro ma Tuhanta las be, las be ma rohanta i
M  U  S  I  K
2.      Hatuaon do, las ni roha do, hatutubu ni Jesus i. Domu do hita tu Debatanta las be, las be ma rohanta i. Domu do hita tu Debatanta,  las be, las be ma rohanta i.
M  U  S  I  K
3.      Hatuaon do, las ni roha do, hatutubu ni Jesus i. Las ma rohanta mida Tuhanta, las be, las be ma rohanta i. Las ma rohanta mida Tuhanta, las be, las be ma rohanta i.
24.  TANGIANG PANUTUP: TANGIANG PELEAN + PASU-PASU
P          : Nungga tubu sipalua i, ido napinabotohon ni pardisurgo tu angka parmahan di Betlehem. Alai molo sidohonon ni Tuhanta tu hita sadarion: Ala naung tubu Sipalua i, mian ma di hamu Anak i, dohot Tondi Parbadia dohot hata ni Debata nabinegemuna. Ima tanda naung tubu Jesus Kristus di bagasan ngolumuna.
J           : Mangendehon B.E. No. 62: 3
            Tuhan Jesus hadomuan, na di suru Debata. Napasaehon sude dosa di dolok Golgatha. . Hasangapon di Debata laos dame, dame, dame ma di jolma. Lomo ni roha ni Debata do hita jolma on.
P          : Martangiang ma hita pasahathon pelenta tu Debata: Ale Ama nami na di Banua Ginjang ...., Amen. Laos rap ma hita mandok ditangiang Ale Amanami
P + J     : Ale Amanami na di banua ginjang ...
P          : Jalo hamu ma pasupasu nasian Debata .............., Amen

III.   MAKAN BERSAMA
IV.    KEGIATAN NATAL/ Lucky Draw


Tidak ada komentar:

Posting Komentar